Kërkime intensive në Gjakovë për Florijan Tabakun, person me nevoja të veçanta nga Tropoja

22:48 | 23 Tetor 2025
E.G

Shoqata e Kosovës për Kërkim dhe Shpëtim (SHKKSH), në bashkëpunim me Policinë e Kosovës dhe Ushtrinë e Kosovës, ka zhvilluar një operacion kërkim-shpëtimi në rajonin e Gjakovës për gjetjen e Florjan Tabakut nga Tropoja, person me nevoja të veçanta, i cili ishte raportuar i zhdukur më 20 tetor 2025 në territorin e Kosovës.

Sipas njoftimit të SHKKSH-së, ekipet kanë kryer kërkime intensive në terren të vështirë dhe në kushte të ftohta atmosferike, duke demonstruar nivel të lartë bashkëpunimi dhe profesionalizmi.

Operacioni u zhvillua më 21 tetor dhe u koordinua ngushtë ndërmjet njësive të kërkim-shpëtimit, policisë dhe ushtrisë, me qëllim sigurimin e një reagimi sa më të shpejtë dhe efikas ndaj rastit të zhdukjes./Arbresh.info/